2005թ. ՄԱԿ-ի Գլխավոր ասամբլեան դեկտեմբերի 20-ը հռչակել է որպես Մարդկանց համերաշխության միջազգային օր (International Solidarity Day):
Համերաշխությունը համոզմունքների եւ գործողությունների միասնություն է, սոցիալական խմբի անդամների միջեւ փոխօգնություն եւ աջակցություն, որը հիմնված է ընդհանուր հետաքրքրությունների եւ նպատակների հասնելու անհրաժեշտության վրա: Համերշախությունը նաեւ փոխադարձ պատասխանատվություն է, հայտնում է Calend:
Մարդկանց համերաշխության միջազգային օրը հռչակվել է ՄԱԿ-ի Գլխավոր ասամբլեայի կողմից աղքատության դեմ պայքարին նվիրված բանաձեւում: ՄԱԿ-ի բանաձեւը վկայակոչում է Հազարամյակի հռչակագիրը, որում ասված է, որ համերաշխությունը 21-րդ դարում կլինի մարդկության ամենահիմնարար արժեքներից մեկը:
