Ղարաբաղյան հակամարտության կողմերի շփմանը նպաստելու նպատակով ԵԱՀԿ Մինսկի խմբի համանախագահները փորձում են այլընտրանքային, ստեղծագործ ուղիներ գտնել: Այդ մասին այսօր՝ դեկտեմբերի 19-ին, հրաժեշտի մամուլի ասուլիսի ժամանակ հայտարարեց Հայաստանում իր դիվանագիտական առաքելությունն ավարտող ԱՄՆ-ի արտակարգ եւ լիազոր դեսպան Ջոն Հեֆերնը՝ ի պատասխան NEWS.am-ի թղթակցի հարցին, որ ԵԱՀԿ Մինսկի խմբի ամերիկացի համանախագահ Ջեյմս Ուորլիքը հայտարարել էր ղարաբաղյան հարցի շուրջ բանակցությունները նոր մակարդակ տեղափոխելու անհրաժեշտության մասին, եւ այդ ինչ նոր մակարդակի մասին կարող է խոսք լինել՝ հաշվի առնելով ղարաբաղյան հակամարտության գոտում հրադադարի ռեժիմը պարբերաբար խախտող Բաքվի ապակառուցողական քաղաքականությունը:
Նրա խոսքով՝ ինչպես Ջոյմս Ուորլիքը, այնպես էլ ԵԱՀԿ Մինսկի խմբի ռուս եւ ֆրանսիացի համանախագահները փորձում են բանակցային գործընթացի առաջխաղացման համար նոր ուղիներ գտնել: «Նրանք ուղիներ են գտնում եւ աշխատում այդ ուղղությամբ այնքան ժամանակ, որքան վերջինները կհանգեցնեն առաջընթացի: Նրանք նաեւ փորձում են կողմերի շփման համար այլընտրանքային, ստեղծագործ ուղիներ գտնել: Միջնորդների հիմնական դերը կողմերին բանակցություններ սեղանի շուրջ նստեցնելուն նպաստելն է», - ասաց Հեֆերնը: Պարզ է, որ ելակետային քաղաքական որոշումները պետք է ընդունվեն նախագահական մակարդակում: «Միջնորդները փորձում են գտնել այն ձւեչափերը, որոնք կլրացեն նախագահական մակարդակով հանդիպումները», - ընդգծեց Ջոն Հեֆերնը: