Անկարան «Իսլամական պետություն» ահաբեկչական կազմակերպությունից նավթ չի գնում եւ պայքարում է նավթամթերքի մաքսանենգության դեմ: Այս մասին հայտարարել է Թուրքիայի արտգործնախարար Մեվլութ Չավուշօղլուն:
«Տեղեկությունը, թե Թուրքիան իբր նավթ է գնում ԻՊ-ից, նաեւ օգնում ԻՊ-ի գրոհայիններին Թուրքիայի տարածքով սահմանն անցնել, սուտ է եւ մեր երկիրը սեւացնելու փորձ: Մենք նավթը ներկրում ենք Իրաքի Քուրդստանից, իսկ ապօրինի մատակարարումները կանխում ենք: Այս տարեսկզբից մենք 80 մլն լիտր նավթամթերքի մաքսանենգ տեղափոխում ենք կանխել», — Իրան կատարած այցի ժամանակ ասել է Չավուշօղլուն, փոխանցում է «ՌԻԱ Նովոստին»: