Սթոքհոլմում «Pang Pang » գարեջրի գործարանը առաջարկում է ամանորյա սեղանի ավանդական շամպայնը փոխարինել գարեջրով: Հատուկ այդ նպատակով սահմանափակ թվով թողարկվել է «Yellow Snow » գարեջուրը, որը պատրաստելուց հետո ուտելի ոսկու փաթիլներ են ավելացնում եւ մեծ շշերը լցնում, փոխանցում է Kedem-ը:
Օդի պղպջակների շնորհիվ փաթիլները բաժակի հատակից կբարձրանան եւ ոսկեգույն փրփուր կձեւավորեն:
Իսկ քանի դեռ ըմպելիքը շշում է, կարելի է այն շրջել եւ հիանալ, թե ինչպես է պիտակին պատկերված քաղաքի վրա ոսկյա ձյուն տեղում: Խմիչքի թնդությունը 7,9% է, ինչը խորհրդանշում է ոսկու համարը Մենդելեեւի աղյուսակում՝ 79: Թողարկվել է այս գարեջրի ընդամենը 1900 շիշ: Արժեքն առայժմ անհայտ է:
