«Փյունիկի» հարձակվող Սեզար Ռոմերոն թիմին միացավ օգոտսոսին: Այս պահին ֆուտբոլիստը 17 խփած գնդակներով գլխավորում է Հայաստանի բարձրագույն խմբի ռմբակրուկների ցուցակը: NEWS.am – ի թղթակից Վերա Մարտիրոսյանի հետ զրույցում Ռոմերոն ամփոփեց ավարտվող տարին:
Սեզար Ռոմերոն հանդես է եկել Մեքսիկայում, ամերիկյան ՄԼՍ-ում, ինչպես նաեւ Գերմանիայի երրորդ լիգայում: Մեքսիկացի ֆուտբոլիստն ունի ԱՄՆ-ի եւ Մեքսիկայի քաղաքացիություն:
Սեզար, այս պահին Հայաստանի բարձրագույն խմբի լավագույն ռմբարկուն ես՝ 17 խփած գնդակով: Մրցաշարի սկզբին սպասո՞ւմ էիր, որ այսպիսի արդյունք կգրանցես:
Ամեն անգամ ես ինքս ինձնից սպասում եմ 100 տոկոսանոց նվիրում, եւ այդ դեպքում գնդակները գալիս են: Բացի այդ ես խաղում եմ հիանալի թիմում, որը օգնեց ինձ խփել այդ 17 գնդակները: Կարծում ես դա հինալաի արդյո՞ւնք է: Ինձ թվում է` միշտ էլ բարելավելու տեղ կա:
Հայաստանի առաջնության խփված գոլերի ռեկորդը 45 գնդակն է: Ի՞նչ ես կարծում, կարո՞ղ ես հասնել այդ արդյունքին:
Կարծում եմ իմ նպատակը թիմիս օգնել է` դառնալ չեմպիոն: Դա մեր ցանկությունն է, և մենք աշխատում ենք այդ ուղղությամբ, իսկ գոլերը կգան:
Դու նույնպես ընդգրկված ես Հայաստանի տարվա լավագույն ֆուտբոլիստի թեկնածուների ցուցակում: Ըստ քեզ, ո՞վ հաղթող կճանաչվի այս տարի:
Չգիտեմ ով կհաղթի: Ինչ վերաբերում է ինձ, ես պարզապես ձգտում եմ անել առավելագույնն այն պահից, երբ մտնում եմ խաղադաշտ:
Ո՞վ էր այս տարվա «Փյունիկի» լավագույն ֆուտբոլիստը:
Մեր թիմում չկան լավագույն ֆուտբոլիստներ` կա լավ թիմ: Բոլորս տարբեր որակներ ունենք, այդ պատճառով էլ միասին այնտեղ ենք հավաքված:
Ո՞վ է Փյունիկում քո լավագույն ընկերը:
Ամենամոտը Դավիթ Մանոյանի, Հովհաննես Պողոսյանի և Մասիս Ոսկանյայի հետ եմ, քանի - որ միասին շատ ժամանակ ենք անցկացնում: Ես ինձ շատ երջանիկ եմ զգում տղաների հետ, կարծես ընտանիք լինենք: Բոլորն իմ հանդեպ շատ ջերմ են եղել, երբ եկել եմ թիմ:
Լուրեր են պտտվում, որ այս ձմեռ կարող ես տեղափոխվել այլ թիմ՝ մասնավորապես Բելգիա:
Միշտ էլ հնարավորություն կա տեղափոխվելու, բայց այս պահին հստակ ոչինիչ ասել չեմ կարող: Դեռ պազր չէ:
Ո՞ր առաջնությունում ես երազում հանդես գալ:
Երազանքս Գերմանիա վերադառնալն է ու հանդես գալ Բունդեսլիգայում:
Ինչպե՞ս կվերաբերվես Հայաստանի ազգային հավաքականում հանդես գալու հրավերին:
Եթե այդպիսի հրավեր լինի, ես անպայման հաշվի կառնեմ դա:
Ի՞նչ ծրագրեր ունես Սուրբ Ծննդյան տոներին: Ի՞նչ նվեր ես ակնկալում ստանալ:
Ինձ համար ամենակարեւոր նվերը կլինի Սուրբ Ծնունդն անցկացնել կյանքիս մեծագույն սիրո՝ որդուս հետ: Իսկ Սանտայից խնդրել եմ երկար տարիների կյանք, եւ որդուս հետ միասին լինելու ավելի շատ հնարավորություն:
