«Air Armenia» ավիաընկերությունը մտադիր է Չինաստանից եվրոպական երկրներ տարանցիկ փոխադրող դառնալ: Այս մասին դեկտեմբերի 19-ին Երեւանում լրագրողներին հայտնել է ավիաընկերության գլխավոր տնօրեն Արսեն Ավետիսյանը: Ըստ նրա՝ ավիաընկերությունը մտադիր էր թռիչքները վերսկսել դեկտեմբերի 20-ից, սակայն արտերկրյա գործընկերները առաջարկել են մի քիչ սպասել: «Այդ պատճառով ցանկանում ենք թռիչքները վերսկսել 2015թ. մարտից», - բացատրել է Ավետիսյանը: Ներկայումս ընկերության երկու A-320 օդանավերը վերանորոգման համար գտնվում են Նիդեռլանդներում:
«Air Armenia»-ն զուգահեռ բանակցում է եվրոպական ընկերություններից մեկի հետ: «Դրա անունն առայժմ չենք ասի, քանի որ ինտերլայն-պայմանագրեր (փոխադրման փաստաթղթերի փոխադարձ ճանաչման – խմբ.) մեր միջեւ առայժմ չկան: Բայց տոմսերն ամրագրելու մեր համակարգերն արդեն համակցված են», - նշել է նա: Հենց այդ ընկերության գտնվելու երկիր էլ «Air Armenia»-ն նախատեսում է Չինաստանից եւ Հարավ-Արեւելյան Ասիայից Երեւանով տարանցում իրականացնել:
