2014թ. Հայաստանում անասնագլխաքանակը ավելացել է 2-5%-ով: Այս մասին դեկտեմբերի 19-ի մամուլի ասուլիսում հայտարարել է ՀՀ գյուղատնտեսության նախարարի առաջին տեղակալ Գրիշա Բաղիյանը:
Խոշոր եղջերավոր անասունների գլխաքանակը կկազմի մոտ 695 հազ., ոչխարներինը՝ 750 հազ., խոզերինը՝ 145 հազ., թռչուններինը՝ 5 մլն:
Մսի արտադրությունը կկազմի 165 հազ. տոննա կամ 2013թ.-ից 11% -ով ավելի, կաթինը՝ 718 հազ. լիտր կամ 8,5% -ով ավելի, ձվինը՝ 644 մլն հատ կամ 4,5% -ով ավելի:
Այս ցուցանիշներին, ըստ Բաղիյանի, հաջողվել է հասնել մի շարք ծրագրերի շնորհիվ, այդ թվում՝ ցեղական անասնաբուծության զարգացման:
2007թ.-ից այս ծրագրի շրջանակում շուրջ 65 անասնաբուծական տնտեսությունների տրվել են եվրոպական բարձր կաթնատվությամբ ցեղատեսակների կովեր: Դրանց կաթնատվությունը տարեկան կազմում է 6-8 տոնա, իսկ որոշ դեպքերում՝ մինչեւ 10-11 տոննա՝ հանրապետության միջին 3 տոննա ցուցանիշի դիմաց: