Սյունիքի մարզի Կապան եւ Քաջարան քաղաքներում այսօր՝ դեկտեմբերի 19-ին, անսպասելիորեն հացը թանկացել է:
Սյունիքի մարզում NEWS.am-ի թղթակիցը հաղորդում է, որ թանկացման հետ մեկտեղ նվազել է հացի քաշը: Եթե նախկինում հացը կշռում էր 600 գրամ եւ արժեր 240, այժմ քաղաքի բոլոր խանութներում 530 գրամանոց վաճառվում է 280 դրամով:
Կապանի մի քանի փռերի աշխատակիցներ NEWS.am-ի հետ զրույցում ասացին, որ դրամի արժեզրկման հետեւանքով ալյուրի թանկացումից է կախված հացի թանկացումը, իրենք բոլոր փռերի սեփականատերերով պայմանավորվել են միեւնույն գինը սահմանել հացի համար:
