Արդեն մի քանի օր շարունակվող առաջին անհրաժեշտության ապրանքների զանգվածային թանկացումները եւ դրամի արժեզրկումը քաղաքացիները կապում են օլիգարխների եւ բանկերի կողմից իրականացվող «սպեկուլյացիաների» հետ:
NEWS.am-ի հարցումը Երեւանում ցույց տվեց, որ քաղաքացիներին այնքան էլ չի համոզել կառավարության հիմնավորումները համաշխարհային եւ տարածաշրջանային գործընթացների ազդեցության վերաբերյալ։
Մեզ հետ զրույցում գրեթե բոլորը համոզմունք հայտնեցին, որ պատճառը հայրենի գործարարների՝ ավելի շատ գումար աշխատելու ցանկությունն է։
«Որ կուլակները ավելի հարստանան»,- ասաց մի տղամարդ, իսկ հայոց լեզվի եւ գրականության մի ուսուչուհի էլ կարծիք հայտնեց, որ թանկացումների վերջին ալիքը կմեծացնի արտագաղթը։
«Թանկացումները սպեկուլյատիվ ճանապարհով որոշ օլիգարխների ավելի շատ հարստանալու համար էին: Եվ արդեն հայրենասիրությունն էլ չի օգնում, քանի որ այս երկրում ապրելն ուղղակի անհնար է»,- ասաց նա։
