Ղազախստանի նախագահ Նուրսուլթան Նազարբաեւը դեկտեմբերի 22-ին աշխատանքային այցով կմեկնի Ուկրաինա: Այս մասին հաղորդում է պետության ղեկավարի մամուլի ծառայությունը:
«Դեկտեմբերի 22-ին ծրագրված է Ղազախստանի նախագահի աշխատանքային այցն Ուկրաինա, որի շրջանակում բանակցություններ տեղի կունենա այդ երկրի ղեկավարության հետ»,- գրում է ՌԻԱ Նովոստին:
Պաշտոնական հաղորդագրությունում նաեւ նշվում է, որ դեկտեմբերի 23-ին Մոսկվայում կայանալու է ՀԱՊԿ հավաքական անվտանգության խորհրդի հերթական նստաշրջանը՝ Ղազախստանի, Հայաստանի, Բելառուսի, Ղրղըզստանի, Ռուսաստանի եւ Տաջիկստանի նախագահների մասնակցությամբ:
Նախանշված է նաեւ Եվրասիական տնտեսական բարձրագույն խորհրդի նիստը՝ Ղազախստանի, Ռուսաստանի, Բելառուսի, Հայաստանի եւ Ղրղըզստանի նախագահների մակարդակով: Այն անցկացվելու է 2015 թվականի հունվարի 1-ին ԵՏՄ գործունեության մեկնարկի նախաշեմին:
