Հայաստանի կառավարության աշխատակազմի ղեկավար-նախարար Դավիթ Հարությունյանը տեղյակ չէ, թե այսօր ինչու էր Ազգային ժողովի ՀՀԿ խմբակցության պատգամավոր Սամվել Ալեքսանյանը գնացել կառվարություն:
Այսօր` դեկտեմբերի 19-ին, ՀՀԿ ԳՄ նիստից առաջ լրագրողների հետ զրույցում նախարարը վստահեցրեց, որ տեղյակ չէ:
«Տեղյակ չեմ, չեմ տեսել: Չգիտեմ` ում մոտ էր եկել»,- ասաց Դավիթ Հարությունյանը:
Նշենք, որ կառավարության մոտ այսօր տասնյակ քաղաքացիներ բողոքի ակցիա էին կազմակերպել կառավարության շենքի մոտ` բողոքելով թանկացումների դեմ: Ակցիայի ընթացքում կառավարության շենքից դուրս եկավ Սամվել Ալեքսանյանը, որը ոչ մի հարցի չպատասխանելով` հեռացավ: