2014թ.-ին Հայաստանի 123 համայնքներում ընտրություններ են տեղի ունեցել եւ 85-ում հաղթել են հանրապետական թեկնածուները: Այս մասին այսօր` դեկտեմբերի 19-ին, ՀՀԿ ԳՄ նիստից հետո լրագրողների հետ զրույցում ասաց ԱԺ փոխնախագահ, ՀՀԿ մամուլի խոսնակ Էդուարդ Շարմազանովը:
Նրա խոսքով` այսօրվա նիստին անդրադարձ է եղել Հանրապետության նախագահ Սերժ Սարգսյանի այցին Բրյուսել, ինչպես նաեւ քննարկվել են արտաքին քաղաքական հարցեր:
«Ամփոփել ենք ներքաղաքական խնդիրներ, արտահերթ նիստերի արդյունքները, ինչպես նաեւ ամփոփել ենք ՏԻՄ ընտրությունները: Ընդհանուր առմամբ, այս տարվա ՏԻՄ ընտրություններից 85-ում հաղթել են մեր թեկնածուները»: