Փարիզի արվարձանում ավտոբուսի 23-ամյա վարորդը կազմակերպել է սեփական ծեծը՝ հանուն վճարվող արձակուրդի, հայտնում է The New Straits Times-ը:
Ոստիկանությունը հաղորդում է ստացել ավտոբուսի վարորդից, որը պնդում էր, որ հարձակման է ենթարկվել, երբ ցանկացել է խանգարել ավտոբուսից փող գողացող հանցագործին: Տղամարդը նաեւ որպես ապացույց ներկայացրել է ավտոբուսի տեսախցիկների տեսագրությունները, փոխանցում է Gazeta-ն:
Սակայն ոստիկանները համարել են, որ տղամարդու խոսքերը վստահություն չներշնչող որոշ ասպեկտներ ունեն: Ավելի ուշ քննությունը պարզել է, որ հարձակումը կազմակերպվել է նրա գործընկերոջ օգնությամբ:
Ավտոբուսի 23-ամյա վարորդը 6 ամսվա պայմանական ազատազրկման է դատապարտվել կեղծ ցուցմունքի, ինչպես նաեւ խարդախության փորձի համար: