Պետք է ստեղծվի հանրակրթության նախարարություն, որը կմիավորի հանրապետության բոլոր դպրոցները: Այս մասին այսօր` դեկտեմբերի 20-ին, լրագրողների հետ զրույցում ասաց կրթության եւ գիտության նախարար Արմեն Աշոտյանը` պատասխանելով հարցին, թե ինչու են շրջանների դպրոցները մարզպետարանների ենթակայության ներքո:
«Եթե այսօր անգամ նախագահը, կառավարությունը, վարչապետը մտածի, որ դպրոցները պետք է տալ կրթության եւ գիտության նախարարությանը, ապա մենք պատրաստ չենք: Չորս տարվա ընթացքում 80 հիմնարկները դարձել են 253-ը, իսկ աշխատակազմն աճել է ընդամենը քսան տոկոսով: Ես կտամ Աշոտյանական պատասխան. Պետք է ստեղծել հանրակրթության նախարարություն»,- ասաց Արմեն Աշոտյանը:
