Տիրուհուն սպասող շնիկի մասին զվարճալի հոլովակը համացանցում հազարավոր մարդիկ են դիտել: Տեսախցիկների օբյեկտիվում հայտնվել է պուդելը, որին տիրուհին թողել էր Չիկագոյի առեւտրի կենտրոններից մեկում կենդանիների համար նախատեսված հատուկ ազատավանդակում: Երեւում է՝ տիրուհու ուրբաթօրյա գնումները ձգձգվել են, եւ շունը, անհամբերությունից տեղը չգտնելով, սկսել է շարժումներ անել, որոնք կրքոտ պար են հիշեցնում:
Փոքրիկ շունը, կանգնելով հետեւի թաթերին եւ ատամներով կառչելով վանդակի ճաղերից, սկսել է մի թաթից մյուսին անցնել եւ շարժել պոչը՝ սպասելով սիրելի տիրուհու հետ հանդիպմանը, փոխանցում է Lifenews-ը:
Պարող պուդելի հարեւանությամբ գտնվող շնիկը սկզբում զարմացած նայում է, այնուհետեւ կարծես թե ցանկանում միանալ պարողին, եւ սկսում պտտվել ջրամանի շուրջ: