Նիդեռլանդների դատախազությունը Դոնեցկում մալայզիական Boeing-ի վթարը հետաքննելիս ուսումնասիրել է համացանցային 5,5 մլրդ էջ, հայտնում է AD.nl-ը՝ վկայակոչելով դատախազ Ֆրեդ Վեստերբեկեի խոսքերը:
Քննությանը հետաքրքրել են աղետի մասին բազմաթիվ գրառումները սոցցանցերում, ֆորումներում եւ բլոգներում, որոնք կարող էին հետքի վրա դուրս բերել, գրում է Gazeta-ն:
Զոհերի հարազատներին ուղղված իր խոսքում Վեստերբեկեն համբերության կոչ է արել: Ըստ նրա՝ քննությունը օդանավի ոչնչացման հիմնական վարկած է համարում «Բուկ» համակարգով հարվածը, սակայն աչք չի կարող փակել այլ վարկածների վրա:
Միաժամանակ Ուկրաինայի անվտանգության ծառայությունը հայտնում է, որ աղետի քննության ժամկետը երկարացրել են մինչեւ ամբողջ 2015 թվականը: