Ոստիկանության քրեական հետախուզության գլխավոր վարչությունում ստացված օպերատիվ տվյալներն իրացնելիս՝ Կենտրոնականի եւ Արաբկիրի բաժնի ծառայողները դեկտեմբերի 19-ին, ժամը 23.40-ին, Երեւանի Սայաթ-Նովայի պողոտայից բերման են ենթարկել օտարերկրյա քաղաքացի, 1981 թ. ծնված Մորթեզա Վ.-ին, որը դեկտեմբերի 17-ից հետախուզվում էր ՀՀ քրեական օրենսգրքի 178 հոդվածի /խարդախություն/ 3-րդ մասի 1-ին կետի մեղադրանքով:
Ոստիկանության լրատվության վարչությունից հայտնում են, թե Մալաթիայի բաժնի ծառայողները դեկտեմբերի 19-ին, ժամը 16.10-ին, Երեւանի Ծովակալ Իսակովի պողոտայի թիվ 83 հասցեի մոտից բերման են ենթարկել 1982 թ. ծնված Արման Ղ.-ին, որը նոյեմբերի 28-ից հետախուզվում էր ՀՀ քրեական օրենսգրքի 178 հոդվածի /խարդախություն/ 1-ին մասի մեղադրանքով:
