ԱՄՆ նախագահ Բարաք Օբաման հակառուսական պատժամիջոցների մասին նոր հրամանագիր է ստորագրել: Այս փաստաթղթով արգելվում են բոլոր տեսակի տնտեսական հարաբերությունները Ղրիմի թերակղզու հետ:
Մասնավորապես, աառաջարկվում է դադարեցնել Ղրիմի հետ ապրանքների, տեխնոլոգիաների եւ ծառայությունների փոխանակումը, ինչպես նաեւ թերակղզում ամերիկյան ներդրումների հոսքի դադարեցումը:
Օբաման հայտարարել է, որ ԱՄՆ իշխանություններն այդ հրամանագրով ցանկանում են տարածաշրջանում գործող ամերիկյան բիզնես-ձեռնարկությունների համար հստակություն ապահովել:
«ԱՄՆ-ն չի համակերպվի ռուսական օկուպացիայի եւ Ղրիմը բռնակցելու փորձի հետ», — հավելել է ԱՄՆ նախագահը, փոխանցում է Informing-ը:
Պատժամիջոցները տարածվել է նաեւ 24 անձանց վրա, որոնք այժմ չեն կարող ԱՄՆ մուտք գործել, նրանց հաշիվները կարգելափակվեն, իսկ ամերիկյան գործարարներին եւ քաղաքական գործիչներին արգելվում է նրանց հետ համագործակցելը:
