Ոստիկանությունը նոր մանրամասներ է հաղորդել դեկտեմբերի 10-ին տեղի ունեցած դանակահարության մասին:
Երկու երիտասարդ «Օդնոկլասսնիկի» սոցիալական կայքով մի աղջկա հետ էին ծանոթացել, տղաներից մեկը մյուսին արգելել էր աղջկա հետ շփվել, սակայն չէր լսել: Դեկտեմբերի 10-ին տղաները հանդիպել էին Երեւանի Րաֆֆու փողոցի շենքերից մեկի մոտ, վիճել, նրանցից մեկը հանել էր դանակն ու հարվածել:
Նույն օրը ժամը 20:30-ի սահմաններում «Էրեբունի» բժշկական կենտրոնից ոստիկանության Մալաթիայի բաժին ահազանգ էր ստացվել, որ իրենց մոտ է տեղափոխվել ոստիկանության զորքերի պայմանագրային զինծառայող, 26-ամյա մի երիտասարդ: Մեկնած օպերատիվ խումբը պարզել էր, որ դանակահարությունը կատարել է Արոն՝ Արայիկ Մանուկյանը, որին էլ մեկ օր անց բերման էին ենթարկել ոստիկանություն: Վերջինը խոստովանել էր հանցանքը:
Փաստի առթիվ հարուցվել է քրեական գործ Քրեական օրենսգրքի 112-րդ հոդվածի 1-ին մասով: Արայիկ Մանուկյանը կալանավորված է:
Մանրամասները՝ ոստիկանության պատրաստած տեսանյութում: