Դերասան եւ դրամատուրգ Էրիկ Պողոսյանը, ֆոտոլրագրող Սքաութ Թուֆանկջյանը եւ գրող Քրիս Բոհջալյանը ելույթ կունենան «Պատասխանատվություն 2015» միջազգային խորհրդաժողովում՝ նվիրված Հայոց ցեղասպանության հարյուրամ տարելիցին, որը տեղի կունենա 2015 թ. մարտի 13-15-ին՝ Նյու Յորքի «Marriott Marquis» հյուրանոցում:
«The Armenian Weekly» հայ-ամերիկյան թերթը գրում է, որ այլ զեկուցողների շարքում իրենց մասնակցությունն են հաստատել նաեւ իրավաբան Ջեֆրի Ռոբերթսոնը եւ լրագրող Ռոբերտ Ֆիսկը:
Երեկոյան նիստերին, որոնց կմասնակցեն քաղաքական գործիչներ, դերասաններ եւ հռչակավոր անձինք, որոնք հայտնի են իրենց ակտիվությամբ եւ հումանիտար գործունեությամբ, կլուսաբանվի պատասխանատվության թեման, որն անհրաժեշտ է անցյալում տեղ գտած անարդարությանը նայելու եւ պայքարելու համար՝ ապագայում նման նոր դեպքերը կանխարգելելու նպատակով: Նույն վայրում տեղի են ունենալու լուսանկարչական եւ գեղարվեստական ցուցահանդեսներ՝ վերապրելու թեմաներով:
NEWS.am-ն ավելի վաղ հայտնել էր, որ Նյու Յորքում տեղի կունենա եռօրյա միջազգային խորհրդաժողով՝ նվիրված Հայոց ցեղասպանության հարյուրամյա տարելիցին: «Պատասխանատվություն 2015» (Responsibility 2015) խորհրդաժողովը կազմակերպել է ԱՄՆ ՀՅԴ արեւելյան թեւի Հայոց ցեղասպանության հարյուրամյա տարելիցի միջոցառումների նախապատրաստման հանձնաժողովի կողմից:
