Ռուսաստանի քաղաքացի Ախլաս Ախլաքին, որը 2003-ին Պակիստանում մահապատժի է դատապարտվել այն ժամանակվա նախագահ Փերվեզ Մուշարաֆի դեմ մահափորձի համար, կարող են մահապատժի ենթարկել այսօր՝ դեկտեմբերի 21-ին, այս մասին Sputnik-ին տված հարցազրույցում նշել է Պակիստանում ՌԴ դեսպանատան ներկայացուցիչ Վադիմ Զայցեւը:
Ն հայտնել է, որ ռուսաստանցուն կարող են մահապատժի ենթարկել այն բանից հետո, երբ նա հանդիպի հոր, որը Պակիստանի քաղաքացի է, եւ մոր հետ, որը ՌԴ քաղաքացի է: Հանդիպման կոնկրետ ժամկետը հայտնի չէ:
Պակիստանում ՌԴ դեսպանատունը տեղի իշխանություններին նոտա է հղել՝ խնդրելով հետաձգել դատավճռի իրականացումը:
«Նրանք ասացին, որ եթե նույնիսկ ես չգնամ, միեւնույն է մահապատիճը իրագործվելու է»,- Sputnik –ին ասել է հայրը՝ Ահմադ Ախլաքը՝ հավելելով, որ նրան այսօր են կախելու:
