Արցախյան պատերազմում հաղթել է հայ ժողովուրդը, իսկ այլ ազգեր թե օգնել են, թե խանգարել: Այս մասին այսօր` դեկտեմբերի 21-ին, ԵԿՄ «Երիտասարդ կամավորական» կազմակերպության 5-իդ համագումարի ժամանակ հայտարարեց ԵԿՄ նախագահ, գեներալ Մանվել Գրիգորյանը:
«Դուք եք երկրի սյուները, դուք պետք է շատ աշխատեք ու վերցնեք: Ուրիշի տալով ոչնչի չեք հասնի: Դուք ինքներդ պետք է աշխատեք ու ստեղծեք: Մի մոռացեք, որ լավը պետք է սիրուն լինի, իսկ վատը պիտի կորցնեք»,- ասաց Մանվել Գրիգորյանը:
Գեներալը հորդորեց երիտասարդներին շփվել բոլորի հետ, սակայն չմոռանալ մեր պատմությունը:
«20-22 տարի առաջ մենք էինք այստեղ երիտասարդ: Այ Արա Կետիկյանը, որը հենց այս ամբիոնից ձեր նման խոսում էր: Այնպես որ հույսներդ ձեր դրա դրեք: Ես շատ եմ հպարտանում ձեզանով: Սա ձեր տունն ա, պետք ա տանտիրոջ հոգեբանություն ունենաք: Քննադատեք, երբ ինչ-որ բան եք արել, եթե չեք արել, մի քննադատեք»,- ավելացրեց նա:
Մանվել Գրիգորյանը նորից հիշեցրեց, որ ինքը դեռ 30 տարի ապրելու է եւ լինի երիտասարդ երկրապահների կողքին:
NEWS.am-ի թղթակիցը հաղորդում է, որ 5-րդ համագումարին մասնակցում է նաեւ սպորտի եւ երիտասարդության նախարար Գաբրիել Ղազարյանը: Համագումարի մեկնարկին ներկա էր նաեւ Հայաստանի փոխոստիկանապետ Լյովա Երանոսյանը: Վերջինս հրաժարվեց պատասխանել լրագրողների հարցերին եւ արագ հեռացավ:
Նշենք, որ այսօրվա համագումարին «Երիտասարդ երկրապահ» կազմակերպության նախագահ վերընտրվեց Էդգար Բարսեղյանը: Ողջույնի խոսքերով ելույթ ունեցան ԵԿՄ վարչության անդամները, իսկ պաշտպանության նախարար Սեյրան Օհանյանը եւ տարածքային կառավարման եւ արտակարգ իրավիճակների նախարար Արմեն Երիցյանն ուղարկել էին իրենց ուղերձները:
