ԵԿՄ նախագահ, Ազգային ժողովի ՀՀԿ խմբակցության պատգամավոր, գեներալ Մանվել Գրիգորյանը չի հավատում, որ Հայաստանի փոխոստիկանապետ Լյովա Երանոսյանն ազատամարտիկներ Ռազմիկ Պետրոսյանին եւ Մանվել Եղիազարյանին խորհուրդ է տվել արտագաղթել: Այսօր` դեկտեմբերի 21-ին, Մանվել Գրիգորյանը մի քանի լրագրողների հետ զրույցում վստահեցրեց, որ Լյովա Երանոսյանը նման ասած չի լինի:
«Պատմելով որ լինի… կայնի, մի հատ օրինակ պատմեմ, էն անգամ էլ եմ ասել, հիմա էլ ասեմ. Մի հատ բիձա ամեն օր իջնում ա ցած ու ասում` էսօր կնգաս հետ վեց անգամ քնել եմ, մեկը գնում ա բժշկի մոտ ու ասում ա` ըտենց դեղ չկա՞, ինձ էլ տաս: Բժիշկն ասում ա` ըտենց բան չկա, էդ մարդն էլ, թե մեկը պատմել ա: Բժիշկն ասում ա` դե դու էլ պատմիր: Ով ինչ ուզում, ասում ա, ազատ երկիր ա»,- ասաց Մանվել Գրիգորյանը:
Նշենք, որ ծեծի ենթարկված Ռազմիկ Պետրոսյանը պատմել էր, որ դեպքից ընդամենը մեկ օր առաջ Լյովա Երանոսյանն իրեն կանչել էր ու հորդորել Հայաստանից հեռանալ: