Թալիբները հարձակում են գործել Աֆղանստանի հյուսիս-արեւելքի վրա, որի հետեւանքով զոհվել է 14 մարդ, այդ թվում երեխաներ:
Ոստիկանության տվյալներով, դեկտեմբերի 21-ին Ասադաբադ քաղաքի ճանապարհին խաղաղ բնակիչներով պիկապը պայթել է ականի վրա, որի հետեւանքով զոհվել է 7 մարդ, ներառյալ երկու աղջիկներ:
Ջաուզջան նահանգում գրոհայինները հարձակվել են ոստիկանության շենքի վրա, որի հետեւանքով զոհվել է 7 ոստիկան: «Մենք օգնություն ենք խնդրել ՆԱՏՕ-ից, սակայն այն դեռ տեղ չի հասել»,-ասել է ոստիկանության մամուլի քարտուղար Ֆարիդ Ահմադ Ազիզին, հաղորդում է «ՌԻԱ նովոստին»:
Աֆղանստանի իրավապահ մարմինների տվյալներով, երկու հարձակումների թիկունքում կանգնած են «Թալիբան» շարժման գրոհայինները:
