Լոնդոնի Christies աճուրդի տունը թալանել են: Շուրջ 1 մլն ֆունտ սթեռլինգ (1.5 մլն դոլար) արժողությամբ գողոնի մեջ նաեւ Ֆաբերժեից իրեր են եղել:
Գողությունը, որի մասին հայտնի է դարձել այսօր, տեղի է ունեցել դեկտեմբերի 7-ի գիշերը: Այս մասին գրում է Daily Mail-ը՝ վկայակոչելով սեփական աղբյուրներին: Գողերին արձանագրել են տեսահսկման խցիկները, սակայն ոստիկանությունը չի կարողացել պարզել նրանց ինքնությունը:
Ըստ ՌԻԱ Նովոստիի, 1766 թվականին Լոնդոնում հիմնադրված Christies-ն աշխարհի առաջատար աճուրդի տներից է: Անցյալ տարի այստեղ կայացած աճուրդները 2.7 մլրդ ֆունտ սթեռլինգ են բերել:
