Իտալացի ձեռնարկատեր Մարչելո դի Ֆինիցիոն հինգերորդ անգամ բարձրացել է Վատիկանի Սուրբ Պետրոսի տաճարի գմբեթ՝ ի նշան իշխանությունների տնտեսական քաղաքականության դեմ բողոքի:
Դի Ֆինիցիոն լեռնագնացի սարքավորումների միջոցով ամրացել է 80 մ բարձրության վրա եւ բողոքական կոչերով պաստառ տեղադրել:
Նա բողոքում է «Բոլքշթեյնի օրենքի» դեմ՝ եվրոպական օրինագիծ, որը կարգավորում է ներքին շուկան: Դի Ֆինիցիոն իր բիզնեսը՝ ափամերձ Տրիեստում La voce della Luna ռեստորանը կորցնելու մտահոգություն ունի, հայտնում է lenta.ru-ն:
Դի Ֆինիցիոն առաջին անգամ գմբեթին մագլցել էր 2012 թ. հուլիսին, երկրորդ անգամ՝ նույն տարվա հոկտեմբերին, այնուհետեւ 2013 թ. մայիսին եւ 2014-ի մարտին: