Դեկտեմբերի 21-ին ՊԲ արեւելյան ուղղությամբ տեղակայված զորամասերից մեկի պահպանության տեղամասի մարտական հենակետում մահացած 19-ամյա Դավիթ Քոլոյանը գարնանը պետք է զորացրվեր: Այս մասին հայտնեցին NEWS.am-ի աղբյուրները:
Մեր տեղեկություններով՝ նա զորակոչվել է 2013թ գարնանը, ընդամենը մի քանի ամսից տուն պետք է վերադառնար: Նա բնակվում էր Նոր Նորքում: NEWS.am-ի տեղեկություններով՝ զինծառայողը մահացել է նռնակի պայթյունի հետեւանքով:
Ավելի վաղ NEWS.am-ը հայտնել էր, որ դեկտեմբերի 21-ին ՊԲ արեւելյան ուղղությամբ տեղակայված զորամասերից մեկի պահպանության տեղամասի մարտական հենակետում արձանագրվել է մահվան ելքով դեպք, որի հետեւանքով մահացել է ՊԲ զինծառայող, 1995թ. ծնված Դավիթ Հրաչյայի Քոլոյանը: ԼՂՀ ՊՆ մամուլի ծառայությունից հայտնում են, թե միջադեպի մանրամասները պարզելու համար տարվում է քննություն:
ԼՂՀ պաշտպանության նախարարությունը կիսում է ծանր կորստյան վիշտը եւ իր զորակցությունը հայտնում Դ. Քոլոյանի ընտանիքի անդամներին, հարազատներին ու ծառայակիցներին: