ԱՄՆ-ի Կենտրոնական հետախուզության վարչությունն իր աշխատակիցներին սովորեցրել է շրջանցել ամբողջ աշխարհի օդանավակայաններում անվտանգության համակարգերը: Wikileaks-ը հրապարակել է օդանավակայաններում մաքսատունն ապօրինի անցնելու, այդ թվում ԵՄ-ի երկրներ կեղծ անձնագրերով ներթափանցելու ԿՀՎ-ի երկու զեկույցները:

Երկու գաղտնի փաստաթղթերը կոչված են օգնել պաշտոնյաների քողարկմամբ ԿՀՎ-ի գործակալներին շրջանցել անձնագրային վերահսկողության համակարգերը:

Դրանք հանգամանորեն պատմում են սահմանները հատելու եւ վիզային կանոնների, էլեկտրոնային համակարգերի ծավալների ու պարունակության եւ այլնի մասին, հաղորդում է «Gazeta.ru»-ն: