Պաշտոնյաները «բեսպրեդելով» են զբաղվում: Այս մասին այսօր` դեկտեմբերի 22-ին, լրագրողների հետ զրույցում ասաց Ժողովրդական կուսակցության առաջնորդ Տիգրան Կարապետյանը` անդրադառնալով ազատամարտիկների նկատմամբ բռնություններին:
«Կապ չունի` ազատամարտիկ է, թե սովորական քաղաքացի: Երկու հասկացություն կա` լավ եմ արել, ճիշտ եմ արել: Այո, կարող են ասել` լավ եմ արել, բայց դա չի նշանակում, որ ճիշտ են արել: Ճիշտ չեն անում, սխալ են անում: Ավելի վարկաբեկված իշխանությունն է վարկաբեկվում: Եթե իշխանությունը չէ, ուրեմն կբացահայտի: Եթե չի կարողանում բացահայտել, ուրեմն մատը խառն է»,- ասաց Տիգրան Կարապետյանը:
Նշենք, որ օրերս ծեծի են ենթարկվել ազատամարտիկներ Մանվել Եղիազարյանը, Ռազմիկ Պետրոսյանը եւ Սուրեն Սարգսյանը: Նրանց պնդմամբ` այս ամենի հետեւում կանգնած են իշխանությունները:
