«100 ամյակը առանց ռեժիմի» շարժումը դիմում է մեր ժողովրդին եւ արձանագրում, որ քաղաքացիական ակտիվիստ Վաղինակ Շուշանյանին ծեծի ենթարկելու հանգամանքը ՀՀ-ում իշխանությունը յուրացրած հանցավոր ռեժիմի կողմից պետական կառավարման լծակներն ամեն գնով, այդ թվում՝ բռնության միջոցով, պահպանելու հերթական փաստն է:
Շարժումը դատապարտում է ռեժիմի կողմից պետական ապարատի եւ քրեական տարրերի համատեղ կիրառմամբ ՀՀ քաղաքացիներին ահաբեկելու այս քայլը:
Միեւնույն ժամանակ՝ Շարժումը մեր ժողովրդին կոչ է անում բացարձակապես չվստահել իրավապահպան մարմիններին ու նրանց կեղծ խոստումներին եւ դրա փոխարեն մաս կազմել 2015 թ. ապրիլի 24-ին քաղաքացիական անհնազանդության գործողություններով ռեժիմին հեռացնելու եւ ժողովրդի իշխանությունը վերականգնելու ազգային-ազատագրական պայքարին: