Սանտա Կլաուսի կոստյումով հրշեջը Ավստրալիայի բնակչին փրկել է կրակից, գրում է The Newcastle Herald-ը: Միջադեպը տեղի է ունեցել Ռութերֆորդում:

Տեղական հրշեջ ծառայության աշխատակիցնրը իրենց ամենամյա նախատոնական շրջայցն է կատարել: Մոտենալով տներից մեկին՝ հրշեջները նկատել են ծուխ եւ անմիջապես օգնության մեկնել, հայտնում է Gazeta-ն:

Շենքի ներսում հրշեջ ծառայության աշխատակիցները հայտնաբերել են անգիտակից վիճակում գտնվող երիտասարդին: Նրան առաջին օգնություն են ցուցաբերել եւ տեղափոխել հիվանդանոց:

Ինչ վերաբերում է հրդեհին, ապա խոհանոցում ոչ մեծ բռնկում է եղել եւ հրշեջները արագորեն մարել են: