Վերակառուցման գերմանական բանկը (KfW) կաջակցի Արարատյան դաշտոմ արտեզյան ջրերի տնտեսման հարցում: Այդ մասին այսօր՝ դեկտեմբերի 22-ին, լրագրողներին հայտարարեց բնապահպանության նախարար Արամայիս Գրիգորյանը: Նրա խոսքով՝ KfW-ի ղեկավարության հետ պայմանավորվածությունը ձեռք է բերվել հոկտեմբերին՝ Բեռլինում:
Կողմերը քննարկել են Հայաստանում արտեզյան հորերի ավտոմատ կառավարման ցանցերի տեղադրման հարցը: Այդուհանդերձ, ողջ Արարատյան դաշտի համար համակարգը բավականին ծախսատար կլինի, քանի որ հորերը գործում են Արարատի եւ Արմավիրի մարզերի ավելի քան 140 բնակավարերում: «Մենք չգիտենք, թե մեր գերմանացի գործընկերները ի՞նչ ծավալով կհամաձայնեն ֆինանսավորել այդ ծրագիրը, սակայն աջակցության որոշակի ծավալ, իհարկե կլինի, այդ մասին արդեն կարելի է համոզվածությամբ ասել», - հավաստիացրեց Արամայիս Գրիգորյանը:
