Բնապահպանության նախարարությունը կարգուկանոն կպարտադրի Սեւանա լճում վճարովի լողափերի շահագործողներին, դեկտեմբերի 22-ի մամուլի ասուլիսում հայտարարել է բնապահպանության նախարար Արամայիս Գրիգորյանը:
Նա նշել է, որ մի քանի ամիս առաջ նախարարությունն ուժեղացրել էր մասնավոր լողափերի նկատմամբ վերահսկողությունը, որոնք վարձակալում են տեղական ինքնակառավարման մարմնից: Դրանցից մի քանիսն անգամ պատշաճ կերպով մաքրված չէր: «Նրանք, ովքեր միայն մուտքի վճար են վերցնում եւ չեն բարեկարգում տարածքը, կպատժվեն: Մենք նրանց հետ պայմանագրերը կխզենք», - հավաստիացրել է Գրիգորյանը: Դրա հետ մեկտեղ, եկող տարում նախատեսվում է ավելացնել հանրային լողափերի թիվը, հավելել է բնապահպանության նախարարը: