Ադրբեջանում ցանկացել են դատել հանգուցյալին:
Report-ին վկայակոչելով՝ haqqin.az –ը հայտնում է, որ ոստիկանների կողոպուտի համար ձերբակալել էին Բաքվի բնակիչ Ռովշան Գուլիեւին: Քննության ընթացքում նրան չբացակայելու ստորագրությամբ ազատել էին:
Մինչ քննությունն ընթանում էր, մեղադրյալը վախճանվել է, սակայն քննչական մարմինները տեղյակ չեն եղել: Արդյունքում քննությունը չի ավարտվել, եւ քրեական գործը չեն կարճել: Քննչական մարմինները նույնիսկ մեղադրյալի ցուցմունքներն են գրառել եւ գործը դատարան հանձնել: Դատավորը մեղադրյալին դատարան է կանչել, եւ միայն, երբ դատական կատարածուները պետք է ապահովեին Ռ. Գուլիեւի ներկայությունը, պարզվել է, որ վերջինս վաղուց մահացել է:
Ծառայողական պարատականություններն անփութորեն կատարելու համար դատախազի տեղակալին նկատողություն է տրվել:
