Պակիստանի իշխանությունները հայտնել են մոտակա շաբաթներին 500 դատապարտյալներին մահապատժի ենթարկելու մտադրության մասին, հաղորդում է France-Presse գործակալությունը:
Մինչեւ վերջին ժամանակներս Պակիստանում արգելված էր մահապատիժը, սակայն «Թեհիրիք- Թալբան Պակիստան» շարժման զինյալների կողմից Փեշավար դպրոցը գրոհելուց հետո արգելքը հանվել է: Անցած երեք օրվա ընթացքում ահաբաբեկչության համար դատապարտված 6 մարդ մահապատժի էր ենթարկվել, հայտնում է Lenta-ն:
Փեշավար քաղաքի զինվորական ուսումնարանի վրա հարձակումն իրագործվել է դեկտեմբերի 16-ին: Շենք ներթափանցած 6 թալիբները պատանդ են վերցրել կուրսանտներին եւ դասավանդողներին՝ մոտ 500 մարդ: Հակաահաբեկչական գործողության արդյունքում զինյալները ոչնչացվել են: Ընդհանուր առմամբ ահաբեկչության հետեւանքով 149 մարդ (հիմնականում ուսանողներ) էր զոհվել: