2015թ. ՀՀ բնապահպանության նախարարությունը ազնվացեղ եղջերուների սերնդի պահպանման աշխատանքներ կտանի: Այս մասին դեկտեմբերի 22-ի մամուլի ասուլիսում հայտարարել է բնապահպանության նախարար Արամայիս Գրիգորյանը:
Ըստ նրա՝ գալիք տարում նախարարությունը հատուկ ուշադրություն կդարձնի էկոտուրիզմի զարգացմանը: «Մենք բավական հաջող օրինակներ ենք տեսնում տարբեր երկրներում: Էկոտուրիզմի ծրագրերը նպաստում են տարածաշրջանի զարգացմանը եւ զբոսաշրջիկների հոսքին, ընդ որում՝ խոսքը պատասխանատու տուրիզմի մասին է», - հավելել է նա: Ծրագրվում է նաեւ արգելոցներում նավիգացիոն համակարգ հաստատել՝ ֆաունայի եւ ֆլորայի, այդ թվում նաեւ ծառերի հաշվառման համար: «Միջազգային կազակեպությունների հետ դրա վերաբերյալ բանակցություններ մենք արդեն վարում ենք», - նշել է նախարարը:
