Եղվարդի մանկապարտեզում արձանագրված զանգվածային թունավորման դեպքի առթիվ հարուցված գործի շրջանակներում դեռ մեղադրյալներ չկան: Այս մասին NEWS.am-ի թղթակցին հայտնեցին Քննչական կոմիտեից:
Նրանց փոխանցմամբ՝ այժմ ակտիվ քննչական գործողություններ են ընթանում վարակի աղբյուրը եւ տարածման եղանակը պարզելու ուղղությամբ: Արդեն պարզվել է, որ թունավորման պատճառը դիզենտերիան էր, բայց քանի դեռ չի պարզվել վարակի աղբյուրը եւ տարածման եղանակը, մանկապարտեզի գործունեությունը կմնա կասեցված: Թունավորման աղբյուրը եւ եղանակը պարզ կլինի բոլոր փորձաքննությունների եզրակացությունները ստանալուց հետո: Քննչական կոմիտեից հայտնեցին, որ այս դեպքի առթիվ առաջիկայում մանրամասներ կհաղորդեն:
Հիշեցնենք, որ Եղվարդի մանկապարտեզում զանգվածային թունավորման մասին հայտնի էր դարձել նոյեմբերի 28–ի երեկոյան։ Թունավորման հետեւանքով, բացի 90 հոսպիտալացված սաներից, համայնքում հայտնաբերվել է 23 առողջ բացիլակիր, որոնց շարքում թե երեխաներ կային, թե մեծահասակներԵղվարդի հիվանդանոց էր մեկնել ՀՀ առողջապահության նախարարության մասնագետների խումբը առողջապահության նախարար Արմեն Մուրադյանի գլխավորությամբ։ Ծանր վիճակում գտնվող երեխաները տեղափոխվել էին Երեւան՝ «Նորք» ինֆեկցիոն եւ «Սուրբ Աստվածամայր» հիվանդանոցներ։ Երեխաների մոտ հաստատվել է դիզենտերիա։ Դեպքի առթիվ հարուցվել է քրեական գործ, կասեցվել է մանկապարտեզի գործունեությունը:
