Եվրասիական տնտեսական բարձրագույն խորհրդի նիստին կհայտարարեն ԵՏՄ-ին Հայաստանի Հանրապետության անդամակցության պայմանագրի վավերացման ընթացակարգերի ավարտի մասին: Այդ մասին հայտարարել է ՌԴ-ի նախագահի օգնական Յուրի Ուշակովը:
Երեք երկրների (Ռուսաստան, Ղազախստան եւ Բելառուս) նախագահները վաղը (երեքշաբթի) կհայտարարեն Եվրասիական տնտեսական միությանը Հայաստանի Հանրապետության անդամակցության պայմանագրի վավերացման ընթացակարգերի ավարտի մասին: Հայաստանը միության լիիրավ անդամ կդառնա դրա գործարկման արդեն հաջորդ օրը, այսինքն՝ 2015թ հունվարի 2-ից», - հաղորդել Ուշակովը, հայտնում է «ՌԻԱ Նովոստին»:
Եվրասիական տնտեսական միության մասին պայմանագիրը Ռուսաստանի, Բելառուսի եւ Ղազախստանի՝ Մաքսային միությունից ու Միասնական տնտեսական տարածքից հետո ինտեգրման հաջորդ փուլին անցնելու մասին պայմանավորվածությունը արձանագրող հիմնարար փաստաթուղթ է, ստորագրվել է 2014թ. մայիսի 29-ին՝ Աստանայում:
