Թունիսում նախագահական ընտրությունների երկրորդ փուլում, որը տեղի է ունեցել դեկտեմբերի 21-ին, հաղթել է «Նիդաա Թունիս» (Թունիսի կոչը) աշխարհիկ կուսակցության առաջնորդ Բեժի Քաիդ էս-Սեբսին՝ հավաքելով 55,68 տոկոս ձայն:
Այս մասին հայտնել է ընտրությունների հարցերով բարձրագույն անկախ մարմին (ԿԸՀ) նախագահ Շաֆիք Սարսարը, հաղորդում է ՏԱՍՍ-ը:
Էս-Սեբսիի մրցակիցը երկրի ժամանակավոր նախագահ Մոնսեֆ Մարզուկին էր, որն ստացել է ընտրողների 44,32 տոկոսի քվեն: