Ինդոնեզիայում հավաքարարուհուն դատապարտել են 7 տարվա ազատազրկման՝ 6-ամյա երեխայի հանդեպ ոտնձգությանը նպաստելու համար: Ըստ France-Presse գործակալության, դատարանը նաեւ 100 մլն ռուփի (8 հազար դոլար) տուգանք է սահմանել:
Հավաքարարուհու փաստաբանի խոսքով, իր պաշտպանյալը չի ընդունում մեղքը եւ պատրաստվում է բողոքարկել վճիռը: Ըստ Lenta-ի, առաջիկայում այս գործով եւս չորս հավաքարարի հանդեպ վճիռ կկայացնի:
Դատաքննությունը սկսվել է օգոստոսին, այն բանից հետո, երբ ապրիլին հայտնի է դարձել, որ հավաքարարների խումբը Ջակարտայի միջազգային դպրոցում 6-ամյա տղայի է բռնաբարել: Մեղադրյալներից ոմանք, որոնք նախապես ընդունել էին իրենց մեղքը, հետագայում հրաժարվել են ցուցմունքներից՝ պատճառաբանելով, որ ոստիկանությունում ծեծել են իրենց:
Այդ գործով անցնող եւս մեկ հավաքարար կալանքի տակ գտնվելիս ինքնասպանություն է գործել: Ոստիկանությունում հայտարարել են, որ նա հատակը մաքրելու համար նախատեսված հեղուկ է խմել: Տուժածի ընտանիքը դպրոցից 125 մլն դոլարի չափով փոխհատուցում է պահանջում: