Ռուսաստանի եւ Ղազախստանի նախագահներ Վլադիմիր Պուտինն ու Նուրսուլթան Նազարբաեւը Ռուսաստանի Դաշնության եւ Ղազախստանի Հանրապետության միջեւ բարիդրացիական հարաբերությունների եւ XXI դարում համագործակցության պայմանագրի վավերացման մասին պատվոգրեր են փոխանակել: Այս մասին գրում է ԻՏԱՌ-ՏԱՍՍ գործակալությունը:
Ավելի վաղ Ռուսաստանի նախագահի օգնական Յուրի Ուշակովը տեղեկացրել էր, որ այդ փաստաթուղթը Պուտինի եւ Նազարբաեւի միջեւ ստորագրվել է 2013 թվականի նոյեմբերին, Եկատերինբուրգում:
Փաստաթուղթն ընդգրկում է երկկողմ փոխգործակցության բոլոր ոլորտները, հարմարեցված է եվրասիական ինտեգրման պայմաններին եւ իրավական նոր հիմք է ստեղծում նոր մարտահրավերների եւ սպառնալիքների համատեղ արտացոլման համար: