Դեկտեմբերի 19-ին, ժամը 16.15-ին, հիվանդանոցից ոստիկանության Մարտունու բաժնում հաղորդում էր ստացվել, որ կտրած-պատռված վերքով բուժօգնության է տեղափոխվել 28-ամյա Գեւորգ Ս.-ն, որը հայտարարել էր, որ վնասվածքն ստացել է վայր ընկնելու հետեւանքով:
Ոստիկանության մամուլի ծառայությունից հայտնում են, որ ձեռնարկված օպերատիվ-հետախուզական միջոցառումների շնորհիվ պարզվել էր, որ դեկտեմբերի 19-ին, ժամը 15.30-ի սահմաններում, Մարտունու Գ. Նժդեհի փողոցում, վիճաբանության ժամանակ, նրան սուր-կտրող-ծակող գործիքով հարվածել եւ վնասվածք է պատճառել ոմն Գարիկ:
Ոստիկանության ծառայողները պարզել են, որ Գարիկը 23-ամյա Գարիկ Կ.-ն է, որը հիշալ օրը, վիճաբանության ժամանակ, ծալովի դանակով հարվածել էր Գեւորգ Ս.-ին:
Դանակն առգրավված է:
Կատարվում է քննություն: