Նոր Հալեպ թաղամասում սիրիահայերի համար տների կառուցումը կախված չէ սփյուռքի նախարարությունից: Այդ մասին այսօր՝ դեկտեմբերի 25-ին, լրագրողներին հայտարարեց սփյուռքի նախարար Հրանուշ Հակոբյանը:
Նրա խոսքով՝ չպետք է կարծել, որ եթե ինչ-որ ժամանակ նախարարությունը խոսել է Սիրիայից տեղահանվածների համար «Նոր Հալեպ» թաղամաս ստեղծելու մասին, ապա հենց նախարարությունն պետք է ֆինանսավորի այն. «Ես ավելի վաղ էլ ասել եմ, որ եթե յուրաքանչյուր հայ գոնե 2-3 դոլար նվիրաբերի, բավարար միջոցներ կհավաքվեն»:
Ի պատասխան հարցին, թե ինչու հենց նախարարությունն ինքը չի նվիրաբերում, օրինակ, համահայկական գալա-ընդունելությունների հաշվին, Հակոբյանը առարկեց, որ գերատեսչության բյուջեն տարեկան կազմում է մոտ 600 մլն դրամ (մոտ 1,3 մլն դոլար՝ խմբ.): «Այդ գումարով կարելի է կառուցել առավելագույնը 10 բնակարան, իսկ ցանկացողների թիվը մոտ 600 է: Այդ 600 ընտանիքները իրենք են խնդրել թույլ տալ հիմնավորվել: Նախարարությունը ընտրության համար առաջարկել է Երեւանից ոչ հեռու գտնվող երեք քաղաք. Մասիս, Էջմիածին եւ Աշտարակ: Նրանք ընտրել են Աշտարակը եւ այնտեղ պետությունը ցանկացողներին հողատարածք է առանձնացրել, իր հաշվին սեյսմիկ փորձաքննություն իրականացրել եւ շինարարության տիպային նախագծեր հանձնել: Սակայն նրանցից շատերը չեն ցանկացել գումար ներդնել հատկապես երբ Սիրիայում գործնականում ամեն ինչ կորցրին: Սակայն, ցավոք, այստեղ մեզնից ոչինչ կախված չէ», - եզրափակեց Հակոբյանը:
