Ադրբեջանը ԵՏՄ-ին անցամակցելու պաշտոնական դիմում չի ստացել եւ երկրի օրակարգում նման հարց առաջ չի քաշվել: Այդ մասին հայտարարել է Ադրբեջանի արտգործնախարար Էլմար Մամեդյարովը, հաղորդում է haqqin.az-ը:
Ի պատասխան որոշ փորձագետների վարկածի, որ ղարաբաղյան հակամարտության կարգավորման փոխարեն Ադրբեջանը կանդամակցի Եվրասիական տնտեսական միությանը, ադրբեջանցի նախարարը հայտարարել է: «Առաջին հերթին, կցանկանայի ընդգծել, որ միջազգային մակարդակում ճանաչված Ադրբեջանի տարածքային ամբողջականությունը եւ ինքնիշխանությունը ոչ մի դեպքում առեւտրի օբյեկտ չեն կարող լինել»:
«Ինչ վերաբերում է նշված ինտեգրացիոն գործընթացներին, ապա Ադրբեջանը հարգանքով է վերաբերում յուրաքանչյուր ինքնիշխան պետության որոշմանը: Ներկայումս անկախ քաղաքականություն իրականացնող Ադրբեջանի Հանրապետությունը քաղաքական, տնտեսական եւ առեւտրային կապերում նախընտրում է երկկողմ ձւաչափը, ինչը լիովին արդարացնում է իրեն փոխշահավետ գործակցության տեսակետից: Ընդհանուր առմամբ, ինտեգրացիոն գործընթացների հետ կապված հարցերում կարեւոր է նաեւ հանրության կարծիքը», - ասել է Մամեդյարովը:
