Լոմոնոսովի անվան Մոսկվայի պետական համալսարանի կողմից կիրագործվի կենսանյութերի պահպանության համար 1 մլրդ ռուբլի արժողությամբ «Նոյյան տապան» անունը կրող դեպոզիտարիայի ստեղծման գիտական նախագիծը: Այդ մասին հայտարարել է բուհի ռեկտոր Վիկտոր Սադովնիչին, հայտնում է «ՏԱՍՍ»-ը:
«Եթե նախագիծն իրագործվի, ապա Ռուսաստանի պատմության մեջ այն հսկայական ցատկ կլինի: Մեզ է տրամադրվել Ռուսական գիտական հիմնադրամի ամենախոշոր գրանտը: Ես այդ նախագիծն անվանում եմ «Նոյյան տապան»: Այն ենթադրում է դեպոզիտարիայի՝ Երկրում բոլոր կենդանի արարածների տվյալների բանկի ստեղծում», - ընդգծել է Վիկտոր Սադոնիչին: Ռեկտորի խոսքով՝ այն կներառի այն բոլոր տեսակները, որոնք «անհետանում են եւ նրանք, որոնք ողջ եւ առողջ են»: «Այնտեղ տարբեր բջջանյութերի կրիոպահպանման (որը հետագայում կարող է վերարտադրվել) հնարավորություններ կլինi», - հավելել է Վիկտոր Սադովնիչին:
Նշենք, որ Լոմոնոսովի անվան Մոսկվայի պետական համալսարանին կից գիտատեխնոլոգիական հովիտը կկառուցվի 2018թ: Այն մոտ 430 հազար քմ տարածք կզբաղեցնի:
