Վատիկանի կենտրոնում Femen-ի ակտիվիստուհին կանանց իրավունքների համար ակցիա է անցկացրել: Այս մասին հաղորդում է կազմակերպության կայքը:

Սուրբ Պետրոսի հրապարակում անցկացված ակցիայի ժամանակ կիսամերկ ակտիվիստուհին վազել է դեպի բեմ եւ Ծննդյան տոնածառի տակից վերցրել Հիսուսի ֆիգուրը: Ըստ Gazeta-ի, նրա կրծքին գրված է եղել «God is woman»: Աղջկան ձերբակալել են:

2013 թվականին նույնպես FEMEN խմբի ակտիվիստուհիները մերկացել էին Վատիկանի Սուրբ Պետրոսի հրապարակում, որը Սիքստինյան կապելլայի կողքին է: Այնտեղ անցկացվում է Հռոմի նոր պապի ընտրության գաղտնի ժողովը: