«Չորրորդ իշխանություն» թերթը գրում է. «Թվում էր, թե այս տարի արտագնա աշխատանքի մեկնած ՀՀ քաղաքացիների վերադարձով ուղեւորահոսքը մի փոքր կավելանա, արդյունքում՝ կկրճատվի Հայաստանից մեկնած ու չվերադարձածների թվի տարբերությունը: Բայց պարզվում է, Հայաստանում արտագաղթը նոր տեմպ է ստանում: Հունվար-նոյեմբեր ամիսներին միայն օդային ճանապարհով ՀՀ-ից հեռացած ու չվերադարձած քաղաքացիների թիվը կազմել է 21 հազար 862 հոգի: Երեւանի «Զվարթնոց» օդանավակայանով մեկնել է 957 հազար 826 հոգի, վերադարձել 938 հազար 981-ը: Իսկ Գյումրիի «Շիրակ» օդանավակայանով հեռացել է 18 հազար 882, վերադարձել 15 հազար 865: Սա, իդեպ, մոտ երեք անգամ գերազանցում է 2013 թ. նույն ժամանակահատվածում գրանցված ցուցանիշը. նախորդ տարի միայն օդային ճանապարհով հեռացել էր 7 հազար 871 հոգի»։
Առավել մանրամասն՝ թերթի այսօրվա համարում