Մալայզիայում ջրհեղեղների պատճառով հինգ նահանգներից տարհանվել է 100 հազար մարդ, հայտնում է Bernama գործակալությունը:
Առավել ծանր դրություն է Կելատան եւ Պահանգ նահանգներում, որտեղ իրավիճակը կտրուկ վատթարացել է վերջին օրերին. այնտեղ հարկադիր վերաբնակեցվածների թիվը գերազանցել է 35 հազարը, փոխանցում է Lenta-ն:
Երկրի վարչապետ Նաջիբ Թուն Ռազաքը հրամայել է ավելացնել տուժածներին ցուցաբերվող օգնությունը եւ իրավիճակը վերահսկողության տակ պահել ՝ մարդկային զոհերից խուսափելու համար: Վարչապետը նաեւ խոստովանել է, որ փրկարարները ոչ միշտ են հասցնում ժամանակին տարհանել բնակիչներին, քանի որ որոշ բնակավայրեր մեկուսացել են՝ գետերում ջրի թույլատրելի մակարդակի բարձրացման եւ ուղղաթիռների համար անբարենպաստ եղանակային պայմանների պատճառով:
Նախօրեին Մալայզիայի ֆինանսների նախարարությունը հավանություն էր տվել ամենատուժած հինգ նահանգներին շուրջ 14 մլն դոլարի օգնություն հատկացնելու նախագծին:
