Վայքի քաղաքապետի ընտրություններում թեկնածուների առաջադրման դեկտեմբերի 26-ի դրությամբ առայժմ առաջադրված է մեկ թեկնածու: Կենտրոնական ընտրական հանձնաժողովի մամուլի խոսնակ Հերմինե Հարությունյանը NEWS.am-ի թղթակցի հետ զրույցում ասաց, որ նոր առաջադրումներ չկան: Միակ առաջադրված թեկնածուն ՀՀԿ-ի կողմից առաջադրված Արագած Հակոբի Սաղաթելյանն է՝ «Վայք» Ջրօգտագործողների ընկերության գործադիր տնօրենը:
Նշենք, որ Վայքի քաղաքապետի ընտրություններում թեկնածուների փաստաթղթերի ընդունումը լինելու է դեկտեմբերի 24-28: Թեկնածուների գրանցումը կլինի դեկտեմբերի 28-30-ը, նախընտրական քարոզչությունը՝ հունվարի 6-16, իսկ արտահերթ ընտրությունները կկայանան հունվարի 18-ին:
Հիշեցնենք, որ Վայքի քաղաքապետի պաշտոնը զբաղեցնում էր Հարություն Սարգսյանը: Վայոց Ձորի մարզպետ Էդգար Ղազարյանի Լեհաստանում Հայաստանի արտակարգ եւ լիազոր դեսպան նշանակվելուց հետո Հարություն Սարգսյանը նշանակվեց Վայոց Ձորի մարզպետ: