Մեքսիկայի Հերերո նահանգից օրեր առաջ առեւանգված հոգեւորականի մարմինը գտել են Սյուդադ Ալտամիրանո քաղաքի տարածքում, հինգշաբթի հայտնել է այդ բնակավայրի եպիսկոպոսարանը:
Ըստ եկեղեցական իշխանությունների՝ հոգեւորականն անհետացել էր կաթոլիկների Սուրբ Ծննդից մի քանի օր առաջ՝ Սյուդադ Ալտամիրանոյում: Նրան անհայտ ուղղությամբ տարել էր զինված անձանց մի խումբ՝ հենց պարապմունքների վայրից՝ տեղի եկեղեցական վարժարանից, փոխանցում է «ՌԻԱ Նովոստին»:
Եկեղեցական իշխանությունները հայտնել են, որ հոգեւորականը սպանվել է գլխին արձակված կրակոցով, իսկ մարմինը հայտնաբերել են Իգուալա-Սյուդադ-Ալտամիրանո դաշնային մայրուղուց ոչ հեռու: Սպանության վայրը՝ Տիերա-Կալիենտեն, հայտնի է կազմակերպված հանցավորության բարձր մակարդակով: